الحب رغم أنف السياســــــــة

[center]..::>>الحب رغم أنف السياســــــــة <<::..




ليس من الضروري أن يتوقف العالم عن "الثرثرة" .. واحاديث "السياسة" حتى ....

أحـــــــــــــــبـــــــــــــــــك ..

أنا أحبك كما أنت .. كما العالم .. كما أنا ..

أحبك في ا لضوضاء .. أحبك في معمعات الجدل .. واحبك قبل مباحثات "سوق الأسهم"..

واثناء محادثات "الحد من التسلح النووي" !!!

لن يُسكِت همسنا "المجانين" ولن تُوحد حبنا الدنيا ..

وستظل رغم كل الوشائج بيننا : فيتنام اولى .. فيتنام عاشرة .. وفيتنام عشرين !!!

لا تستغرب .. ولا تحاول ..

فلن ادعي بأنني أستطيع ايقاف امتدادات "داحس والغبراء" .. ولست أنت من يضغط برجولته

على العالم لتحقيق المعجزات ..

وليس .. "داحس" .. اليوم "وغبراؤها" .. كـ "داحس غبراء " الامس .. لا شكلاً .. ولا عِبراً ..

ولاتفاصيل !!

ثم إنه ليس لعاشقين صغيرين مثلنا .. وليس لحالمين هامشيين مثلنا ..

إلا أن يحلما .. ويعلنا عن جمال الاحلام .. وجدوى الحالمين ...

ويصدقا : أن الدنيا لا تحفل بـ السحاب .. و بـ السماء ..

ويستريحا بعد كل "القلق" و "الأمل" و المحاولة على وسادة الحب المتحد .. و ...



"رهبانية العاشقين"



إنّه حبنا يا حبيبي .. حـــــــبٌ .. رغم أنف السياسة .. وكل السياسيين !!![/center]

لكي غاليتي بسمه

قبل لا تقرونها لازم تعرفون قصه القصيدة.... واحد اسمه

خالد جاه مرض و قالوله ان ايامه معدوده كتب هذه القصيده لصديقه يقول له فيها انه يحب

حبيبته و يبي من خويه هذا انه يخليها تنساه اقروا القصيده والله تستاهل .... وراح تعرفوا

معنى الحب الصادق


~


وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود


~

هذي هي الدنيا الطيب مايدوم فيها لكن هل في حب جدي فعلا؟

حتى الرجال قبل لايموت حاول ان يخلي حبيبته تنساه بأي طريقه عشان ماتتعذب

صراحه الله يعين هالصديق اللي يقدر يوفي بتنفيذ وصيه صديقه والله يعين المحبوبه ... اذا

قرت هالابيات وتقدر تنساه العكس راح تحبه اكثر حتى وهو ميت وتتمسك بكل شي