مهداة إلى روح الشهيد باتر كاسوحة وكل شهداء سورية الحبيبة
يا شهيد الوطن الغالي
دمّك شمس بتشرق فينا
عدروب النصر بتهدينا
يا شهيد الوطن الغالي
يا وهج الشوق بعينينا ...
يا غالي زعلنا عغيابو
ما ودّع أهلو وأحبابو
روحك بالورد وأطيابو
فوح محبة بتناجينا ...
هالأرض بتحضن أحرارا
تيصيرو بسمة أزهارا
بترابا بتزرع أنوارا
ضاوي فوق الشمس جبينا ...
من بين البشرية كلا
إنت الأكرم إنت الأغلى
يا عاشق سورية وأهلا
متلك عالحرية ربينا ...
م. عبد المسيح دعيج