القلب ناطور

موضوع: القلب ناطور الأحد أبريل 03, 2011 2:51 am

عملت القلب ناطور يحرس ضحكتا

ويتنصت لحكايتها مع جارِتا

وانّعوست بالليل ينطر غفوتا

تيدس حالو تحت طرف مخدتا

وانصار لسعة برد بليالي الشتا

بيوقد شواقو تايدفّي فرشتا

وعند الصبح بكير يسبق صحوتا

تايذوب عامهلو بسكر قهوتا

بغار ان لمحتا واقفي عمرايتا

وبغار من نسمي انزارت غرفتا

وبغار من إمّا انشفتا باِستا

وبجن لو لعب الهوى بِغُرِتا

وكل ما خفق قلبي بلمحة قامِتا

بسكر بخمرة لهفتي عاطلتا

هيي الحور العين بجنة عدن

ومابريد أني كون غير بجنتا

تيسير نصرالدين

موضوع: رد: القلب ناطور الأحد أبريل 03, 2011 1:25 pm

شفت القوافي حروف غيمة هلّتــــا

وقلبي انتعش يا صاحبي من طلتـا

جتني بهداوة والجواهـــــــر حلّتــا

ولغزا عميق وما عرفت شو حلتا

ولما شربت بنّاتها من دلـــــــــّتا

حسيت انو اللي نظم هاك اللحن

تيسير نصر الدين أهلا بحلّتا

رائعة وقيمة أولى مشاركاتك أخي تيسير

أرجو قبول مداخلتي المتواضعة مع جزيل تقديري

موضوع: رد: القلب ناطور الأحد أبريل 03, 2011 2:03 pm

مروان من أرض السقتني ميّتا

وروّت حشيشة مهجتي من مهجتا

كبر الحنين وصار ينطر غمرتا

من جنوبها , لجبالها لسهلتا

لكل سوربا أنا ابن الجبل

لوكنت عالمريخ برفع رايتا

تحيتي لك اخ مروان واشكر تفاعلك الشعري الجميل
وترحيبك الأنيق .

موضوع: رد: القلب ناطور الأحد أبريل 03, 2011 2:34 pm

والنعم يا ابن الجبل ياللي ارتقى

عا قبة المريخ حتــــــــى يعانقا

من مقلع رجال الشهامة والتقى

والدار هللي القلب الها يخفـــقا

جاوز حدود الشمس واصرخ للملا

خمر المجد عنا خوابي معــــــتقة

*********************

هلا وهلا بالأخ تيسير

موضوع: رد: القلب ناطور الأحد أبريل 03, 2011 2:57 pm

بي الشرف لشيخنا بيقعد معو

وأم المجد لطفلنا بترضعو

البدّو صخر صوّان ,عنا مقلعو

وبدّو وفا وأخلاق عنا منبعو

البدّو شهامة تحت راية هالوطن

بتتسابق رجال الوفا لترفعوا

هلا بيك مروان

موضوع: رد: القلب ناطور الأحد أبريل 03, 2011 4:05 pm

يا مدوّن حروف المجد وسطورها

وتفخر بأصحاب الرجولة بدورها

جدي وجدك للمنايا صقورهــــــا

جزوا رقاب اللي بغى ونحورهــا

واليوم حنا يا نديمـــــي بدورهـــا

والشمس تاخذ من جبلنا نورهــا

تيهي سوريا بالجبل وابن الجبل

ويخسى العدو لو يوم قرّب سورها

***************************

رائع أخ تيسير

الله الله

يعني هذا الابداع و الجمال

في الموضوع و الرد

و هذا النغم المميز

يرقى و يتعمشق على جدران المحبه

الى سماء الوجدان و المشاعر النبيله

الف شكر لك اخي تيسير لهذا الجمال

امرحبا بك بايام الربيع و اجمل

[مديت من سيل القوافي بحورها

وانثرت من زهر المعاني عطورها

اطلقت اسرار الخبي من صدورها

همسة محبّي اليوم لزم حضورها

أرض الغوالي بحب زرعا وبورها

وببوّس ترابا الثري وصخورها

سافرت وتركت القلب عتلالها

تيضل عاطول العمر ناطورها
تحيتي لك اخي فارس بلا جواد
وتحية للجميع

يا قلب يللي حارس حدود الحمى

وبحضن غربة قاسية الجسم ارتمى

وضيعة صغيرة شاورتلك بالوما

وفاض الدمع من بين لفتة مبسما

وحكيت عيونا بلهجة اللي بتفهما

بغصة قالتلك ظل يا رفيق الصبا

جاوبتها = أهون الكحل من العمى =

كلنا شركاء الغربة أخي تيسير والحنين لا يوصف لديرة الشرفاء

الشوق لترابها يشدني شد .... ونبضات قلبي تزايد عدها

الديرة اللي عطرها مسك وند .... وبين الحنايا تسكن وحدها

أطربتني قوافيكم أيها الإخوه الأعزاء

نار الغربة كوت ضلوعنا

وحر كبدي فراق الأحبة

أحييكم

أخي تيسير وأخي أبو أسعد مروان المحترمين

صار العمر بردان بالغربي ..... طال النوى وعبحن لصحابي
ماعاد فيي لهفتي خبي .......... لمّا لوحدي راجع حسابي
صار العر عبيدري صبّي ....... من سنين هجر غمارها نابي
ويقفز متل طير الحجل قلبي ... كل ماطرق طيفن على بابي

تحية أخي مروان
مرحبا بالحبيب أبو مالك

طالت ليالي الجور والكربي ........ وهموم ملّت صفحة كتــــــــابي

ما عاد يهنى مأكلي وشربي ....... والهم واقفلي علـــــــــى عتابـــي

تمنيت إني ساكن بخربــــي ....... وحولي الاهل والناس وصحابي

والمي إشربها من القربـــي ...... وعطّر نفاسي بريحة ترابــــــــي

آآآآآآآآآه من الغربة

نكأت الجرح أخي تيسير ... الله بيهونا

يوم جيتك ليش بيتكم وكان ودي
أشيل عنك شيء من اهمومك
جيت ليش ...!!
..

» وجع القلب
» من القلب إلى القلب
» انت القلب كله
» من القلب الى القلب
» تخريفات شاعر مجنون...شعر:عبد الرحمن سليم الضيخ