الشتاء والصيف دعوة للمشاركة

يونس كتب

يا صيف يا شهر الهنا والأنتعاش

ضلك استهزء بالشتا والأنكماش

غصن الشتا ميت بصيفي عاد عاش

وسرحت طيور الصيف تتأمن معاش

والصيف فرحة وسعد وسرور وهنا

والشتي برد وزمهرير وارتعاش
===================

جايي تزوّد للنيران اللاهبة...............صارت عليك الناس كلا عاتبة

شو جاي تعمل والخليقة هاربة............وما في حدا يقلك هلا يا صاحبي

رح حملّك يا صيف جوا قاربي..............و وديك عبحر الأماني الخايبة

خلي الأرض ترتاح منك للأبد..............والجو يبقى دوم غيمة ساكبة
========================================
تحياتي

عندي سؤال وراد فكري يسألو....................للي لفصل الصيف عما يدللو

الشوبات لما بشهر آب بيقبلو.....................ليش البشر ع جبال عالي بيرحلو

وبيقصدوا يشوفو الثلج ما أجملو................ويتنعنشو ببردو بهالجو الحلو

هاتلي شي واحد بكوانين الشتي................بيدور على الحر وبيرحل الو
===========================================
مودتي

مروان الحلبي كتب:

عندي سؤال وراد فكري يسألو....................للي لفصل الصيف عما يدللو

الشوبات لما بشهر آب بيقبلو.....................ليش البشر ع جبال عالي بيرحلو

وبيقصدوا يشوفو الثلج ما أجملو................ويتنعنشو ببردو بهالجو الحلو

هاتلي شي واحد بكوانين الشتي................بيدور على الحر وبيرحل الو
===========================================
مودتي

لما بفصل الصيف نطلع عالجبال
تنمتع العينين بنواع الجمال
ونشم نسمة هوى يابن الحلال
ونشوف كيف التلج دايب عالرمال
لكن بفصل الشتي قلي مين قال
انو فصل فيه المحبة والدلال
ما فيه غير البرد ورياح ورعد
لا شمس فيك تشوف فيه ولا هلال


lمودتي

لولا الشتا ما وعدت برحلة بحر
ولا كان حوض الوردعباه الزهر
برد الشتا فيه النقاوة والطهر
والصيف بو هاشم حرمنا من العطر
شوف الشمس ودتنا لاحضان القبر
والشوب بو هاشم اخذ مني الصبر
بدعي لربي يديم زخات المطر
تتبورد النسمات فوق وجوهنا
ونصير نسهر تحت افياء القمر



مودتي

يا غيوم دمعاتك على أرضي اكفتي..............واخفي شعاع الشمس عنا وشتتي

يومي حرارة والليالي باهتة ...................وعم فضَل بهالجو ابقى ساكتي

من صغرنا عم نسمع بضربة شمس..............ولا يوم قلي حدا عن ضربة شتي
=========================================
مودتي

مروان ضربيتو
الشمس بدو طبيب




يبقى لجنبو
يعالجو حتى يطيب




ما سمعت
يا مروان عن أصل الكريب





والرشح والسعلة
يا شاعرنا اللبيب




ما سمعت
بكوانين كّن ولا تغيب





من جنب
صوبا بتمرض وما عد تطيب




فصل الشتي
فصل المتاعب والمرض





والصيف فصل
الحب وليالي الحبيب


مودتي
أبو هاشم

يالصيف يلي بساطوا واسع لا تفرح كثير الشتا راجع
بالشوب منشتهي كانون وبالشتا لنور الشمس الساطع

بليل وشتي وبالموقدة شاعلة نار=== ومرّت عبالي سنين كنت نسياني

وبنت وصبي والحب داير مدار === وراسها ع زندي وعبون ذبلاني

والشتي عالسطح عبيكتب الأشعار=== وقطرات متل دموعي تعبي القناني

وكبرنا ويا ريت نسيونا نحناصغار== والهمّ كبر بقلوب عالحب عطشاني

وعا ضو مشحّر قزازو بهالفنار === ودعتها عا صوت زغاريد وغناني

راحت لغيري وبعدها تايها الفكار=== بدّلت حبنا بعمارة وفلوس رناني

يا أهل الهوى لا تصدقو الحب غدار ==== بالصيف بيزهر الحب وليالي السهر

======== وبالشتا بتعيش عا قصص غدر وخياني =============
[b]