ثرثرة امرأة

حاجي بقولك يا صديقي منفخة.....................مثل الشمس حوا حقيقة مأرخة

هيي الحراير والعبي المجوخة....................ومن غيرها بتمشي بثياب مشلخة

حاجي بقى بيكفي تصيح وتصرخا.............وتطلع وتنزل والحروف تدوخا

وجاي بقربة وعم تجرب تنفخا...............حتى الصبية بالوحول تلطخا

وعامل على بيت القصيدة مشيخة............وقدام شاعر جاي بدك تنسخا

مروان لو خط القوافي وانتخا................وحهز سكاكين الزجل بمسلخا

رح شوفك وجاي برقبة راضخة............وترمي سلاحك والذلول تنوخا

ويحن قلبك والضمير يوبخا..................وتركض ورا حوا وبإسما تشمخا

ورح قول كلمة مغلفة ومفخخة........................للي لحوا جاي بدو يمسخا

شو بتنفعوا لو كل هالدنيا رجال...................أحسن إلو عالقبر يركض صورخا
==========================================

المودة فوق كل القصيد..................أحييك أبو هاشم

خليك بساح الوغى والمرجلي.....................يللي على الستات عامل بو علي

بكرة رح بتوصل لآخر مرحلي................وما يظل حولك لانصير ولا ولي

ياغير زوجة مقدرة ومكملي...................تحمل همومك والتعب والبهدلي

ومش راح تلقى رجال عنك تسألي...........وبين القساوة والليونة تأملي

حوا شبه ثوب الحرير المخملي..............رقة وعذوبة وهمسة القلب الخلي

وآدم اذا بيحكيك مرة بمسألي..............يا بياخذك عالقبر يا عالمقصلي

ف اختار مابين العذوبة والقبر...........حدد مصيرك بعدها ارجع الي
=====================================

مودتي ابوهاشم

مروان الحلبي كتب:

خليك بساح الوغى والمرجلي.....................يللي على الستات عامل بو علي

بكرة رح بتوصل لآخر مرحلي................وما يظل حولك لانصير ولا ولي

ياغير زوجة مقدرة ومكملي...................تحمل همومك والتعب والبهدلي

ومش راح تلقى رجال عنك تسألي...........وبين القساوة والليونة تأملي

حوا شبه ثوب الحرير المخملي..............رقة وعذوبة وهمسة القلب الخلي

وآدم اذا بيحكيك مرة بمسألي..............يا بياخذك عالقبر يا عالمقصلي

ف اختار مابين العذوبة والقبر...........حدد مصيرك بعدها ارجع الي
=====================================

مودتي ابوهاشم

المرأ يا مروان بقوافي غنجا

وبكل ردي كللا أو توجا

امسكها بذندا وبالحدائق فرّجا

عا كل وردة وبالعمر لا تحرجا

لكن إذا شيطان وسوس أو إجا

أو بدك لمرأة تناقشا وتحاججا

ما فيك توصل بالعمر معها لقرار

غير ما تنفذ أمرها ما بتبهجا


مودتي مروان

شايف يا يونس ثارت عليك النسا ..............وما عاد تعرف لاصباح ولا مسا

نصحتك بالأول تاتخفف هالقسا...............وجمر اللظى إياك مرة تلمسا

شو كان بدك هالعداوة تأسسا................وشجرة هجومك عند حوا تغرسا

حتى جنيت ثمارها هم وأسى..............وصارت حياتك كلها عل وعسى

خليك متلي بصفها ولا تعاكسا...........لحظات قربا بخاطري ما بتنتسى

ملعون بي المرجلي اللي بعدها.........ترجع لإيدا تقبلا........... وتبوسا
====================================

احييك واحييك ابو هاشم

مش راح خلَص يا بوهاشم تكتكي.................مادامني بظل حوا مرتكي

خليك عايش بالنحيب و بالبكي....................ووفر نصيحة لجنابك يا ذكي

عامل لحالك تاج عز ومملكة ...................شي أطلسي شي عسل ليش ملبكي؟

يا شاعري ما عاد يجديك الحكي..............راحت عليك وغصنك الزاهي تكي

وتتعود تشتنشق عطر طيب زكي.............ما لك سوى ايدك بإيدا تشبكي

وقلا دخل الله يا معشوقة اضحكي............تتبلسمي جراحي بضحكات ال لكي

من غير بسمتهن ولا علة شفت .............خذها نصيحة وحاج منها تشتكي

مروان الحلبي كتب:

مش راح خلَص يا بوهاشم تكتكي.................مادامني بظل حوا مرتكي

خليك عايش بالنحيب و بالبكي....................ووفر نصيحة لجنابك يا ذكي

عامل لحالك تاج عز ومملكة ...................شي أطلسي شي عسل ليش ملبكي؟

يا شاعري ما عاد يجديك الحكي..............راحت عليك وغصنك الزاهي تكي

وتتعود تشتنشق عطر طيب زكي.............ما لك سوى ايدك بإيدا تشبكي

وقلا دخل الله يا معشوقة اضحكي............تتبلسمي جراحي بضحكات ال لكي

من غير بسمتهن ولا علة شفت .............خذها نصيحة وحاج منها تشتكي

بحب النسا حاجي تزيد الأهتمام

بكرى راح بيعطوك مروان الوسام

ميمونة الشعر اللي عم ترمي السهام

وعم تتدعمك تضّل ما شي للأمام

قلّلا عن لسان أنا أحلا الكلام

إلها تحية وإلك متلا بالتمام

لكن يا مروان المرا متل الرخام

كيّس شكلها ودمها تقيل وحرام

بكرى إذا لدغوك نسوان العمر

ما راح عيرك يا حبيبي إهتمام




سلمات مروان

هههههههههههههههههههههههههههههههههه
حلو كثير
شكرا لك

ما ني بحاجي لاهتمامك ياحلو...................ما دامها هالقلب عم بتدللو

نيشان حوا فوق صدري حاملو..............من يوم ما وعيوا عيوني وابتلوا

الله يا عشق النسا ما أجملو..................يومك بألوان الهنا بتكللو

ومتلك اجوني كثار عما يسألوا............تا يرجعوا عهد الهوى من أولو

قلت الهن شوفو كلامي وحللوا..............ويوم بجنب حوّاك اوعى تبدلوا

ومن يومها والكل لابس مخملو..............وأحلى ثياب الحب عما بيغزلوا

إلا جنابك حامل السلّم عرض...............وحاشر مناخيرو بشغلة مش الو
===========================================

باقة ورود لظرفك ابوهاشم