موشح للمشاركة

اذا لنرى ما ستقدمون من روائع

[size=24
ميمونة اليونس جاي بباقة أزهارْ
وتحمل بإيدا الرايي وتغزل أشعارْ
**********


]العلامة عشرة وأكتر يا ست الكل
الخلت بستاني أخضر يسقيه الطّل
وميمونة فينا أخبر عّم تزرع فل
ومن عطرا فاح العنبر عَ زوايا الدار
*************************



ميمونة اليونس جاي بباقة أزهارْ
وتحمل بإيدا الرايي وتغزل أشعارْ
**********


جرناس الخزني الفيها جواهر الماس
جاي بفنو يسقيها كل كاس بكاس
والدوحة الغَّرَدْ فيها حسدوها الناس
وحبوا الكل بواديها يقضوا شي نهار
****************************


ميمونة اليونس جاي بباقة أزهارْ
وتحمل بإيدا الرايي وتغزل أشعارْ
**********


وينو مروان البدنا من شعروا كتاب
يرندح معنا ويطربنا مع ها الأحباب
يا ربي يسمع منا ولا يطول غياب
الشاعر اللي عم يسمعنا وكلوا أسرار

******************************

ميمونة اليونس جاي بباقة أزهارْ
وتحمل بإيدا الرايي وتغزل أشعارْ
**********



يا نور الجاي معنا تسمع وتشوف
الشعر اللي عم يجمعنا من حولوا صفوف
بكلماتك عم تمدحنا ومحلىَّ الحروف
اللي فيها عم ترسمنا متل الأقمار
******************************



[/size]

[color=olive]نحنا الفيك تشرفنا خيي إيهاب
وهوني جينا تجمعنا أهل وأحباب
وبعمرو ما غلقنا عَ الضيف بواب
الجاي تا يمشي معنا الليلي مشوار[/color]

يا يونس يللي وجودك واحة جلنار
شعرك اثبت لوجودو بين الشعار
==================
انت الجايي ولألنا قلبك مفتوح
كل كلمة عمتحكيها بترد الروح
رح سكر قلبي عليك وما فيك تروح
خلي هالليلة قلبي يشبع اشعار
==================

راح وقف معكوا نحي الغالي جلال
وقلوا أهلا يا خيي زيد الدلال
بحييك وهاد عليي واجب بالحال
راح أكتب شعر وبإيديي رشلك غار

[quote="يونس محمود يوسف"]

راح وقف معكوا نحي الغالي جلال

وقلوا أهلا يا خيي زيد الدلال

بحييك وهاد عليي واجب بالحال

راح أكتب شعر وبإيديي رشلك غار[/quote]




وميمونة المتابعنا كل يوم بيوم

وسكنت جوى مدامعنا سيدة القوم

راح تبقى تغني معنا وتغرد دوم

متل البلبل لو غنا سحر الأطيار

يسعد مساكن يللي نورتو الدار

قلبي صوب المساكن شو حار ودار


يونس لباب القافي سابو مفتوح

من نبع الحب الصافي بيشفي الجروح

وقلبي النايم والغافي ع زنود النوح

ضحك وعاجز تيكافي باقة أزهار
***************************

ميمونة اسمك ضاوي بعتم الليل

ومحسوبك بعدو هاوي قدام السيل

ولولا عالقافي ناوي ما عندي حيل

ومش عارف شو رح ساوي وحملاتي صغار

*************************************
رح وقف لحظة وحيي ابو حيان

فارس وسلاحو أمضى من حد الزان

ياريت بقربو بحظى ساعة زمان

وكيف بدي عليي يرضى والله محتار
+++++++++++++++++++++++
طل النور وبوطارق سجل بصمات

شفتو من هوني مارق حليو الكرمات

ان ظلوا هوني ومرافق أهل القافات

بكرة بيصير يسابق تيقول شعار
++++++++++++++++++++

فضوا الساحة شرفّها قول الجرناس

فن وعلم وفصاحة ما الها قياس

ولولا قلت الصراحة ما بين الناس

بعدو بين السباحة أمهر بحار
*************************
برشلونة مشجعها الغالي ايهاب

والكلمة زاهي لونا بين الأحباب

بتمنى ما تلومونا ان حكينا كتاب

الليلة عندي مضمونا بيسوى مليار
++++++++++++++++++++

رح اختم نظم الكلمة بمسك الختام

هادي وطيفو كالنسمة من أرض الشام

ولولا بتبان البسمة وبيرمي سهام

جلال الغالي بيرمي الطير الطيار


++++++++++++++++++++++++

للجميع محبتي

نجمـات الليل بتغفى ونحنا سهار
نزرع عتلال الضيعة ياسمين وغار
===================
مروان الخلا قلبي بقولو مسحور
غرد عغصان القافي مثل الشحرور
يلعن بييك يا غربة خليتي النور
يضوي عبلاد السود ويحرمنا نوار
==================
عن ميمونة وطلتها شو بدي قول
زينة كل الصبايا ما إلها حلول
يا نسمة دخلك ودي إلها مرسول
وردات الدنيا صارت من ضوعا تغار
====================

والله حلوو شو هالفكار النيره الله يديمكم ويديم اخ يونس.
مع اني مالي في الزجل بس راح جرب مع اني بعرف اني راح اسقط في الامتحان..........

خيي يونس ما الي في الزجل ..لكن بالغزل عندي عنه اخبار
بالغزل بتشعل النار وبتتغنا فيها الاطيار....وميمونه اليوم شاعليتها نار..
نار وشرارتها تعلا بمنتدى العرب ..
وانتم اليوم احلا زوار بالمنتدى عن غير اشتلا يا شطارررررررررررررر
اسفه ما بعرف لكن ارحموا من في الارض يرحمكم من في السماء............