تعالوا نفكر هيك

علامه فعلا
بس اليوم هات مين يلي بيعرف
قد ربع السابقين

يا حكيم بس يصير هدف الكبير المنصب

و شيخ الدين يفرجي حالوا انو قبل كل الناس على الجنه

و بيظل يقلك مقصرين

معناها منا رح يجي متلو

و ان اجا فقير بيزيدوا فقروا

و بيكون الكل عليه

و بيتهموه انو ملحد و كافر

بس لانو فقير

والله اني بشوف انو ايام قبل احلى

وانا كمان

يامحلا هذيك الاياااااااااااااااااام

حلوي كثير
حكي وسوالف
وتعب ومحبي وبطولات

وكل شي صحي
مو مثل اليوم.........
كلها هيرمونات وماشابه

واللـــــــــه يا شباب / مسا الخير

قرأت الثلاث صفحات وما عرفت لوين بدكن توصلوا / بالأول خربت الدنيا وقفت الآت النارية _ تعطلت التكنولوجيا _ رجعتو للبرباص والجلّي _

محطة المرحوم أبو محمد نصر الدين ممتازة حيث المرحوم علم من أعلام هذه المحافظة { بالفطرة } أما كونه ضريراً فله ربع كثير .

على كل حال إذا صار مثل ما توقع الأخ الفارس ، فلا بد أن الله يدبـــــــــــــــــر مخرجاً لأنه مسؤول مسؤولية أبديــــة عن هذا الكون

حتى الإنسان لا بــــــــــد أنه ينطوي على حِيَلٍ وحلول تأتي بحينهـــا [ طمنـــو ] ولا تخافو

حاضـــــــــــــر ناضــــــــــــــر غايب عن النواضــــــــــــــــــــــر ........................ باي

ما بدنا شي و الله

بس بدنا نعيش لحظات سعاده

و نجيب من هون و هون

كل شي ممكن و حلو و قديم

بلكي نرتاح شوي

والله معك حق ابو الفوارس واي بدي شد على ايدك

بزمانو كان المرحوم الشيخ ابو محمد ماشي على الطريق بعرمان قربت ومسكت ايدو وسلمت عليه :كيفك حضرة الشيخ؟ قللي عمي انت من الحلبية مش هيك قلتلو نعم قللي ابن ابو وليد ؟؟؟؟؟؟؟؟؟؟؟؟؟؟ قلت لا اله الا الله ........المهم كان رايح لمحل وصلنا هونيك وجربت اقطع عن المحل اللي رايح عليه فوقف فجأة وقللي عند بالي وصلنا............تصور هذه البصيرة النافذة

وين في منو اليوم

اي والله العيون المعمشة
والاظافر الطويلة
والثياب المرقعة
رغم هيك احسسسسسن
من اليوم

هلا الغالي مروان

و شكرا للواقعه الرائعه التي قدمت

يا اخي بصدق ا لقيت اليوم هيك بصيره

لك حتى المفتح و اللي بيعتبر حالو مثقف

للاسف بصيرتو لا شيء

مصيبه
هلا نوور

كل شي حلو كان لان فيه كرامه و اخلاق و حب ووفا

هاتو لنشوف

وكانت الناس تروح تسرع بالغنم والبقر
والخيل
وتجي المسا تتعشى مجدرة او
طبيخ على حمص
وكشكية
مو كشك
لالا
كشكية
ومعكرونة بكشك
وكشك مبلول
وكشك بالمعكرونة
ومبلول بالكشك
وخير الله
هههههههههههههه

الله يرحم هذيك الأيام

يوم كنا نطلع على بيت جدي ونقعد كل الصيف عندن ونروح على الكرم على ظهر الحمير (أجلّكم الله) ونشرب من مية عين السكر الباردة مثل الثلج بدون براد .... ونطلع على شجر اللوز والتين ولما نرجع على البيت نطلع على السطح ونلعب بالصويلات وتلحقنا ستي ونهرب من سطح لسطح ولما كانو يسلقوا القمح كانوكل أهل البلد يتعاونوا بالشغل ويسلقوا كل قمحاتهن وعند المسا كانوا يجتمعوا عند بعض ونسهر على ضو الكاز ونسمع حكايا أشكال وألوان ونخلي ستي تلتهي بالضيوف ونروح على صندوق الخشب الكبير وناكل الراحة والملبس اللي كانت تخبيهن في مع البرش والصابون وكل مونة البيت ههههههه
ايييييييييييييه زمن رائع بكل ما تحمل الكلمة من معاني

ألا ليتها تعود تلك الأيام........
على فكرة انا مولعة بكل ما هو قديم و أحتفظ بكل ما تقع يدي عليه
شكر ا أبو الفوارس على الفكرة الحلوة

ليش يا حبايب قبل كان كل بيت في مونة من جميعو الدبس والسمن العربي والبرغل والعدس .......

اليوم بروم حارة ما بيطلع معك رطل سمن عربي وعلى هالسيرة ذكرتني الأخت سحر الشرق بحادثة نادرة حصلت مع أحد الأصدقاء حيث راح لبيت رفيقو وكانت ام رفيقو مش بالبيت وحاطة المونة بطاقات البيت القديم فحب الاخ ياكل سمن عربي وكانت التنكة على قد الطاقة جرّب يلويها ليقدر يشيل منها ففتحت التنكة فجأة وطرش السسمن على وجهو واواعيه خاف وترك كل شي وبدو يهرب والا يتدحم جف الشنينة وانو رايح هو والجف على طولو ولون ظل بوجهو ؟؟؟؟؟؟؟؟؟؟؟؟ على قطرميز الدبس وشوف شو منظر غدا عليه.. سمن على شنينة على دبس وزاد الطين بلة راح تخبا بالباكة(أجلكن) .............

اليوم مطابخ ورفوف والكواير انهدت وصرنا نشتري المونة بالكيلو فهل يا ترى أطفالنا يمرون بطفولة حقيقية أم هي طفولة التكنولوجيا وأيها برأيكم أكثر متعة للطفل؟؟؟؟؟؟؟؟؟؟؟؟؟؟؟؟؟؟؟؟

اهااااااااا
معناها اسا سحر الشرق من جيل ستي انتي
ههههههه
اي هذيك الايام
خلص راحت وماعاد يجي مثلهاااااااا
ولابتتعوض
اصلا اليوم اللي بروح ما بيجي مثلووووو

هلا سحر هلا مروااان هلا نوور

كل كلامكم صح بعدين للان في بالقرى الشرقيه

هالعادات يا نوور مش ضروري تكون سحر بعمر ستك

انا ما بعرفها معرفه شخصيه لكن بتوقع عمرها

بال25 او 24 هيك بتوقع

ما تغيروا الموضوع حكولنا شو في بعد نفكر فيه

لاااااااااااااااا فارس كثير كبرتني انا بعدني ما كملت ال20ههههههه

نور مش مشكلة اللي بيكبر بيكبر قدرو

اي اكيد اللي بيكبر بيكبر قدرو

هذيك الايااااام
كانت بتجنن
كنا نلعب /بالدحل/
و/مارش/واجاك يا جوززززززز

كانت ايام حلوة كثير

اتوقع انوا الناس هي يلي غيرت الواقع
القديم بالواقع الجديد
وانتو نسيتو احلا شيئ في الذاكره القديمه الا وهي
الاعراس كيف كانت وكيف صارت
وهذا كلو من اجل النسوان من شان ترتاح من العمل
المنزلي والتكاليف الزائده

اني برجع بكرر نفس السؤال برايكم اطفالنا اليوم عبيمروا بطفولة حقيقية؟؟؟؟؟؟؟؟؟؟؟؟؟

أخي مروان
لا أطفالنا يمرون بطفولة حقيقية ولا نحن نحيا حياة طبيعية..

سقى الله تلك الايام أيام الكوارة ببيت جدي ياريت يرجع من هالايام ولو القليل ...كنا نمضي اليوم كاملا من الصباح حتى غروب الشمس
نلعب بالبرية وبجانب برك الماء ونصنع بيوتا من الوحل والحجارة ونتفنن بها والقتلة كانت تنتظرنا في البيت ولا نعطيها اي اهتمام ونمضي اليوم بصناعة سيارة الشريط ونتفنن بتزيينها ونصفها أمام المنزل الذي بنيناه ولا يأتي المساء الا ونحن منهكي القوى ومع هذا كنا نضحك من قلوبنا طوال النهار ولا نعرف الملل ما هو وكانت السعادة تغمرنا وتغمر حياتنا......
أما اليوم فكلنا يعرف التقنيات والرفاهية التي تقدم الى أطفالنا ومع ذلك لانرى بسمة حقيقية على وجوه أولادنا ونراهم طيلة الوقت يتذمرون ويشكون الملل.....فهل نسميها طفولة حقيقية ؟؟؟؟؟

وللأعراس حكاية أخرى أخي دكتور نظام.....

كم هي جميلة عادات الأعراس في الماضي والأجمل منها جمعة اللأهل والأصدقاءلتحضير القرى في الفرح
والسهرة التي تستمر الى الصباح على الكبة وذبح الذبايح .....
وكم كانت جميلة زفة العروس من بيت أهلها الى بيت العريس سيرا على الاقدام وكلما تمر من أمام منزل يشوبشو وينقطوها عادات جميلة وزمن أجمل ليتنا نعيش بعض منها

والله يااخت سحر
اعتقد الكل يتمنى ان يعيش
تلك الاياام
الا ان للاسف لااحد يعيشهاااا
قارني الحياة الاجتماعية
في ذاك الوقت ...واليوم
والحياة العملية ..ايظاَ
ووووووووو
ستجدين شتان
نعم اسقالله هذيك الايام

تعالو نعمل جمعيه لاحياء العادات القديمه
والاجتماعيه ونبتدء في نفسنى
مودتي

يسلموووووو يا دكتور نظام على هالفكره
والله انا بوافقك الرأي

» تعالوا نفكر هيك
» هل نفكر قبل أن نتحدث مع الأخرين...؟
» تعالوا كل واحد يقول اللي حاسسه خطأ وبدون زعل
» تعالوا نضحك
» تعالوا نعذب صاحب المنتدى؟؟؟؟؟؟؟؟؟؟؟؟؟